ಬೆಂಗಳೂರು: ಕಸವನಹಳ್ಳಿ ರೋಡ್ನಲ್ಲಿ ನಿತ್ಯ ಎಮ್ಮೆಗಳಿಂದ ಟ್ರಾಫಿಕ್ ಜಾಮ್ ಉಂಟಾಗುತ್ತಿದೆ. ಇದರಿಂದ ಆ ಮಾರ್ಗವಾಗಿ ಚಲಿಸುವ MNC ಟೆಕ್ಕಿಗಳೆಲ್ಲ ಕಂಗಾಲಾಗಿದ್ದಾರೆ. ಹೀಗಾಗಿ ಎಮ್ಮೆಗಳ ವಿರುದ್ಧವೇ ಟೆಕ್ಕಿಗಳು ದೂರು ನೀಡಿರುವುದು ಬೆಳಕಿಗೆ ಬಂದಿದೆ.
ಈ ಬಗ್ಗೆ ಸೇವ್ ಬೆಳ್ಳಂದೂರು ಎಂಬ ಟ್ವಿಟರ್ ಖಾತೆಯಿಂದ ಪೋಸ್ಟ್ ಮಾಡಲಾಗಿದೆ. 3 ಪೋಟೋಗಳಲ್ಲಿ ಎಮ್ಮೆಗಳು ಸಾಲಾಗಿ ಹೋಗುತ್ತಿವೆ. ವಾಹನಗಳು ಅವುಗಳ ಹಿಂದೆ ನಿಂತುಕೊಂಡಿವೆ. ಇನ್ನು ಪಶುಸಂಗೋಪನಾ ಇಲಾಖೆ, ಟ್ರಾಫಿಕ್ ಪೊಲೀಸ್ ಹಾಗೂ ಬಿಬಿಎಂಪಿಗೆ ಟ್ವೀಟ್ ಟ್ಯಾಗ್ ಮಾಡಲಾಗಿದೆ.
ಎಮ್ಮೆಗಳು ಸರತಿ ಸಾಲಿನಲ್ಲಿ ಹೋಗುವುದರಿಂದ ಕಸವನಹಳ್ಳಿ ರಸ್ತೆಯಲ್ಲಿ ನಿತ್ಯ ಟ್ರಾಫಿಕ್ ಜಾಮ್ ಆಗುತ್ತಿದೆ. ದಿನಲೂ ಬೆಳಗ್ಗೆ ಆಫೀಸ್ಗೆ ಹೋಗಬೇಕಾದ್ರೆ ತೊಂದರೆಯಾಗುತ್ತಿದೆ. ಇವುಗಳಿಂದ 45 ನಿಮಿಷ ಟ್ರಾಫಿಕ್ನಲ್ಲೇ ನಿಲ್ಲಬೇಕಾಗಿದೆ. ಹೀಗಾಗಿ ಆಫೀಸ್ಗೆ ಹೋಗಲು ತಡವಾಗುತ್ತಿದೆ. ಎಮ್ಮೆಗಳ ಮೇಲೆ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಟ್ವಿಟರ್ ಮೂಲಕ ದೂರು ನೀಡಿದ್ದಾರೆ.